НБАнинг олти карра чемпиони Майкл Жордан «Манчестер Сити»нинг собиқ бош мураббийи Хосеп Гвардиола учун видеомурожаат ёзиб қолдирди. Ушбу видео испаниялик мураббийни кузатиш маросимида намойиш этилди.
«Ҳей Пеп, бу мен — Майкл Жордан. Сенга мана шундай ақл бовар қилмас фаолият учун табрик йўлламоқчиман. Ҳордиқдан завқлан. Гольф майдонида омад ёр бўлсин. Тўпни доим тўғри йўналишда ур. Табриклайман», — деди 63 ёшли америкалик афсона.
Гвардиола «Сити» бошқарувидаги ўн йиллик фаолиятидан сўнг жамоани тарк этмоқда. У ушбу давр мобайнида жамоа билан 17 та нуфузли совринни қўлга киритди.
Ҳозирда Гвардиола 55 ёшда. У 2016 йилнинг 1 июлидан буён «Сити»да ишлаб келаётган эди. Бунгача эса «Бавария» ва «Барселона» клубларини бошқарган.
