«Челси»нинг собиқ бош мураббийи Энцо Мареска «Манчестер Сити» устози этиб тайинланишга яқин турибди. Daily Star журналисти Жереми Кросснинг хабарига кўра, агар италиялик мутахассис «шаҳарликлар»ни қўлга олса, ярим ҳимоячи Жек Грилиш билан унинг Манчестердаги фаолиятини қайта тиклаш бўйича музокаралар ўтказишга тайёр.
Жек Грилиш 2021 йилда «Астон Вилла»дан «Манчестер Сити»га 117 миллион евро эвазига ўтган эди. Унинг «шаҳарликлар» билан амалдаги шартномаси 2027 йилнинг 30 июнига қадар мўлжалланган.
2025/26 йилги мавсумни футболчи ижара асосида «Эвертон»да ўтказди. «Ирислар» сафида у барча мусобақаларда 22 та ўйинда майдонга тушиб, 2 та гол урди ва 6 та голли узатмани амалга оширди. Шунингдек, «Эвертон»да футболчини тўлиқ сотиб олиш ҳуқуқи ҳам мавжуд.
