«ПСЖ» ярим ҳимоячиси Витинья Лондоннинг «Арсенал» клубига қарши бўлажак Чемпионлар лигаси финали ҳақидаги фикрлари билан ўртоқлашди. Учрашув 30 май куни Будапештда бўлиб ўтади. Парижликлар кетма-кет иккинчи мавсумда ушбу совринни қўлга киритишлари мумкин.
«Чемпионлар лигаси финали — бу шунчаки финал. «Арсенал» билан олдинги ўйинларимизнинг ҳозир умуман аҳамияти йўқ. Ҳа, ўтган мавсумда улар билан уч марта тўқнаш келганмиз ва ярим финалда мағлуб этгандик, аммо ўтган мавсум — бу умуман бошқа тарих. Олдинда финал турибди, бу ягона ва ҳал қилувчи ўйин. Биз унга тайёр бўламиз», — дея Витиньянинг сўзларини келтиради Arsenal Radar.
Эслатиб ўтамиз, Будапештдаги «Пушкаш Арена» стадионида бўлиб ўтадиган финал ўйини Тошкент вақти билан соат 22:00 да бошланади.
