Италия чемпиони — «Интер» ёзги трансфер ойнасида «Аталанта»нинг 21 ёшли иқтидорли қанот ҳимоячиси Марко Палестрани таркибга қўшиб олишни мақсад қилган.

Журналист Симоне Тоньянинг хабар беришича, «нерадзуррилар» раҳбарияти Дензел Дюмфриснинг келажагидан қатъи назар, ушбу трансферни амалга оширишни режалаштирмоқда. Жамоа бош мураббийи Кристиан Киву иқтидорли футболчини ҳар икки қанотда ҳам самарали фойдаланишни кўзламоқда. «Интер» бошқа топ-клубларнинг жиддий рақобатига қарамай, ёш ҳимоячи учун курашда давом этишга тайёр.

Маълумот учун, ўтган мавсумни «Кальяри» сафида ижара асосида ўтказган Марко Палестра А Серияда 37 та ўйинда майдонга тушиб, 1 та гол ва 4 та голли узатмага муаллифлик қилди. Transfermarkt портали футболчини 30 миллион еврога баҳоламоқда.