Марку Силва ўз юрти — Португалияга қайтмоқда. talkSPORT нашрининг хабар беришича, 48 ёшли мутахассис «Бенфика» бош мураббийи лавозимига тайинланиш бўйича оғзаки келишувга эришган. «Бургутлар» бошқарувида Силва Жозе Моуриньонинг ўрнини эгаллайди — «The Special One» яна «Реал Мадрид»га қайтишга жуда яқин турибди.
«Фулхэм» Марку Силвани сақлаб қолишга уриниб, унга йилига 8 миллион фунт (9,2 миллион евро) маош тўланадиган янги шартнома таклиф қилган эди. Бироқ «Бенфика» мураббийга икки баробар кам — мавсумига 4 миллион фунт (4,6 миллион евро) таклиф қилган бўлса-да, Марку Силва Лиссабонга кўчиб ўтишни танлади.
Марку Силва Португалияда аввалроқ «Эшторил» ва «Спортинг» жамоаларини бошқарган. Шундан сўнг у чет элда «Олимпиакос», «Халл Сити», «Уотфорд», «Эвертон» ва «Фулхэм» клубларида фаолият юритган.
