Marku Silva o‘z yurti — Portugaliyaga qaytmoqda. talkSPORT nashrining xabar berishicha, 48 yoshli mutaxassis «Benfika» bosh murabbiyi lavozimiga tayinlanish bo‘yicha og‘zaki kelishuvga erishgan. «Burgutlar» boshqaruvida Silva Joze Mourinyoning o‘rnini egallaydi — «The Special One» yana «Real Madrid»ga qaytishga juda yaqin turibdi.

«Fulxem» Marku Silvani saqlab qolishga urinib, unga yiliga 8 million funt (9,2 million yevro) maosh to‘lanadigan yangi shartnoma taklif qilgan edi. Biroq «Benfika» murabbiyga ikki barobar kam — mavsumiga 4 million funt (4,6 million yevro) taklif qilgan bo‘lsa-da, Marku Silva Lissabonga ko‘chib o‘tishni tanladi.

Marku Silva Portugaliyada avvalroq «Eshtoril» va «Sporting» jamoalarini boshqargan. Shundan so‘ng u chet elda «Olimpiakos», «Xall Siti», «Uotford», «Everton» va «Fulxem» klublarida faoliyat yuritgan.