Бразилия терма жамоаси ҳужумчиси Винисиус Жуниор бўлажак Жаҳон чемпионати ҳақида ўз фикрларини билдирди. Винисиуснинг сўзларига кўра, Ламин Ямаль сафида бўлган Испания терма жамоаси турнир фаворитларидан бири ҳисобланади.
«Испания — Жаҳон чемпионати фаворитлари қаторида. Улар Европа чемпионатида ғолиб чиқишди ва уларнинг таркибида Ламин Ямаль бор. Ямаль — дунёнинг энг яхши футболчиларидан бири. Мухлислар айнан унга ўхшаган футболчилар учун чипта сотиб олишади», — дея Винисиуснинг сўзларини келтирмоқда The Touchline.
Жаҳон чемпионати 11 июнь куни старт олади. Турнир учта мамлакатда — АҚШ, Канада ва Мексикада бўлиб ўтади. Испания терма жамоаси гуруҳ босқичида Кабо-Верде, Саудия Арабистони ва Уругвайга қарши баҳс олиб боради.
