«Тоттенхэм» клубига эгалик қилувчи Жо Льюис оиласи мавсум якунлари бўйича мухлисларга расмий баёнот билан чиқиб, жамоада кенг кўламли қайта қуриш ишлари бошланишини маълум қилди.
2025/2026 йилги мавсумда «шпорлар» турнир жадвалида 17-ўринни эгаллашди. Жамоа фақат сўнгги турда «Эвертон» устидан қозонилган ғалаба (1:0) туфайли Премьер-лигадан чиқиб кетиш хавфидан қутулиб қолди.
Мухлисларга йўлланган мурожаатдан асосий нуқталар:
-
Масъулият: «Клуб эгалари сифатида биз «Тоттенхэм» ҳозирда тушиб қолган ҳолат учун тўлиқ жавобгарликни ўз зиммамизга оламиз. 17-ўрин клубимиз мақомига мутлақо мос эмас».
-
Сотмаслик ва Инвестиция: «Биз клубни сотмоқчи эмасмиз. Аксинча, академия, асосий жамоа ва барча хизматларга катта миқдорда сармоя киритишга тайёрмиз».
-
Ўзликни тиклаш: «Мақсадимиз — «Тоттенхэм»нинг ўзига хос бўлган жасур ва ҳужумкор ўйин услубини қайтариш. Футбол биз учун биринчи ўринда бўлади».
-
Ўзгаришлар даври: «Зарур ўзгаришлар кўп вақт ва куч талаб этади, аммо бу жараён аллақачон бошланди».
Эслатиб ўтамиз, 24 май куни бўлиб ўтган ҳал қилувчи ўйинда Жоау Палинья томонидан урилган ягона гол «Тоттенхэм»ни элитада сақлаб қолган эди. Клуб раҳбарияти яқин ойлар ичида ишлаб чиқилган режаларни амалга оширишга ваъда бермоқда.
