Кўплаб топ-терма жамоалар Жаҳон чемпионати учун якуний таркибларини эълон қилиб бўлишди. Аммо амалдаги жаҳон чемпиони — Аргентина терма жамоаси ҳали иштирокчилар рўйхатини ошкор этмади. The Touchline нашри журналист Мартин Аревалога таяниб хабар беришича, Аргентина терма жамоасининг якуний таркиби жума куни эълон қилинади.
Лионель Месси Жаҳон чемпионатида иштирок этиши кутилмоқда. Бир неча кун олдин юлдуз ҳужумчи тиббий кўрикдан ўтди ва унда ҳеч қандай жароҳат аниқланмади.
Аргентина терма жамоаси Жаҳон чемпионатидаги илк ўйинини 17 июнь куни Жазоирга қарши ўтказади. Шундан сўнг, гуруҳ босқичида «альбиселесте» Австрия ва Иордания терма жамоаларига қарши майдонга тушади.
