«Арсенал» ҳаммуаллифларидан бири Жош Кронке Микель Артета шогирдлари Англия ва Европа футболида узоқ вақт ҳукмронлик қилишига ишонишини билдирди.
«Премьер-лигада чемпионликни расмийлаштиришимиздан бир неча ҳафта олдин менга берилган энг қизиқ саволлардан бири шундай эди: «Қайси титул муҳимроқ?»
Қайси бири? Ҳали бизда бўлмаган титул. «Англия чемпионлари» – бу жуда ажойиб янграйди, аммо «Европа чемпионлари» ундан ҳам яхшироқ эшитилиши мумкин, айниқса, «олтин дубль»га эришсак.
Биз ҳукмронлик қилиш имкониятимиз бор деб ҳисоблаймиз. Бизда чўққида қолиш учун давом эттириш ва қуриш мумкин бўлган жуда мустаҳкам пойдевор мавжуд.
Пойдевор қўйиш – одатда йўлнинг энг қийин қисмидир. Энди эса ҳамма нарса тайёр бўлгач, вазифа – чўққида қолиш. Бунда бошқа барча рақиблар бизни ортда қолдириб, ўша тоғга чиқишга уринишини унутмаслигимиз керак», — деди Кронке.
