Мадриднинг "Атлетико" клуби ўз ҳужумчиси Хулиан Альваресни "Барселона"га ўтишига йўл қўймасликка ҳаракат қилмоқда. Каталонияликлар аргентиналик футболчини қўлга киритишда асосий даъвогар бўлиб турибди, шунингдек, миш-мишларга кўра, футболчининг ўзи ҳам фаолиятини "Барса"да давом эттириш истагида.

Журналист Ашраф бен Аяднинг маълум қилишича, "матрасчилар" агар футболчи билан хайрлашиш зарурати туғилса, уни биринчи навбатда хориж чемпионати вакилига сотишни маъқул кўришади. Мадрид клуби ўз юлдузини ички чемпионатдаги рақобатчисига беришни истамаяпти.

Ҳозирча Альвареснинг "Барселона"га ўтиш тақдири футболчининг қатъияти ва "кўк-анорранглилар"нинг трансфер учун қанчалик катта маблағ таклиф қилишига боғлиқ бўлиб турибди. Хулианга "ПСЖ" ва "Арсенал" клублари ҳам қизиқиш билдираётгани айтилмоқда.