Лука Модричнинг Мадриднинг «Реал» клубига қайтиши мумкинлиги ҳақидаги гап-сўзлар тобора авж олмоқда. 40 ёшли ярим ҳимоячи, катта эҳтимол билан, «Милан»ни тарк этади ва Жаҳон чемпионатидан сўнг футболчилик фаолиятини якунлайди.

Diario AS хабарига кўра, «Реал»да хорватиялик футболчи клубга қайтган тақдирда спорт директори, маслаҳатчи ёки менежер лавозимларида муваффақият қозониши мумкин деб ҳисоблашади.

Эслатиб ўтамиз, Лука Модрич 2012 йилдан 2025 йилгача «қироллик клуби» сафида тўп сурган. Хавбек билан хайрлашув чоғида «Реал» президенти Флорентино Перес уни фаолиятини якунлаганидан кейин исталган вақтда клубда кўришдан мамнун бўлишини билдирган эди.