Франциялик ярим ҳимоячи Адриен Рабио Массимилиано Аллегридан кейин «Милан»ни тарк этади. Италиялик шарҳловчиларнинг фикрича, футболчи айнан Аллегрининг таклифига биноан ушбу жамоага келган эди. Хусусан, бу ҳақда нуфузли италиялик журналист Николо Скира хабар бермоқда.

Журналист француз футболчиси катта эҳтимол билан «Наполи» сафига ўтишини тахмин қилмоқда, чунки Аллегрининг ўзи ҳам фаолиятини айнан шу клубда давом эттириши кутилмоқда. Бироқ, айни пайтда Миланнинг «Интер» клуби ҳам Рабиога қизиқиш билдираётгани ҳақида маълумотлар бор. Агар Адриен «Интер»ни танласа, бу унинг учун катта устунлик бўлади, чунки футболчига яшаш жойини ўзгартириш шарт эмас – у Миланда қолиб, бемалол фаолиятини давом эттириши мумкин.

Эслатиб ўтамиз, Рабио «россонерилар» сафида бор-йўғи бир мавсум тўп сурди.