Мавсумнинг иккинчи қисмини ижара асосида «Барселона»да ўтказган қанот ҳимоячиси Жоау Канселунинг «Ал-Ҳилол»га қайтиши даргумон. RAC1 хабарига кўра, португалиялик футболчининг каталониялик клубга доимий асосда ўтиши деярли ҳал қилинган масала.
Аввалроқ турли манбалар футболчининг Саудия Арабистонига қайтишни истамаётгани ҳақида бир неча бор хабар берган эди. Шунингдек, у «Барса»га тўлиқ трансфер қилиниши учун ўз маошининг бир қисмидан воз кечишга ҳам тайёрлиги айтилганди.
Маълумот учун:
-
Transfermarkt портали Канселуни 9 миллион еврога баҳоламоқда.
-
Ўтган мавсумда Жоау Ханс-Дитер Флик жамоаси сафида 23 та ўйинда майдонга тушиб, 2 та гол ва 4 та голли узатмага муаллифлик қилди.
-
27 май куни футболчи 32 ёшини нишонлади.
