Франция терма жамоаси собиқ ҳимоячиси Франк Лебёф «Реал» ҳужумчиси Килиан Мбаппени танқид қилди.

«Йўқ, Килиан Мбаппе мен учун етакчи эмас, чунки у ўз фикрлари ва фикрлаш тарзида ҳаддан ташқари худбин. Мен уни шахсан яхши танимайман. У билан фақат бир марта, терма жамоада бўлган ва «ПСЖ» билан эндигина шартнома имзолаган кезларида учрашганман. Яна қайтараман, у яхши ва тарбияли йигит, лекин унинг фикрлаши ва футболга ёндашуви менинг ўйин ҳақидаги қарашларимга мос келмайди», — дея Лебёфнинг сўзларини келтиради Sportsboom.

Эслатиб ўтамиз, аввалроқ Мбаппе «Реал»да мавсумнинг энг яхши футболчиси деб топилган эди. Француз Ла Лигада 25 та гол уриб, мусобақа тўпурарига айланди.