«ПСЖ» ҳужумчиси Усмон Дембеле Чемпионлар лигаси 2025/2026 йилги мавсум финали доирасидаги Лондоннинг «Арсенал» клубига қарши ўйин олдидан ўз кутувлари билан ўртоқлашди. Учрашув эртага, 30 май куни Будапештдаги «Пушкаш Арена»да бўлиб ўтади.
«Биз доим май ойи охирида Чемпионлар лигаси финалида ўйнашни истаймиз. Ўтган йили илк бор турнир ғолибига айландик, бу ажойиб ва тарихий воқеа бўлган эди. Август ойида ҳаммаси яна янги варақдан бошланади ва биз совринлар ютишни хоҳлаймиз. Жамоамиз ёш ва катта амбицияларга эга. Эртага яна бир тарихий кун бўлиши мумкин, биз кучли рақибга қарши баҳсда диққатимизни йўқотмаслигимиз керак», — деди Дембеле.
Эслатиб ўтамиз, ярим финал босқичида «ПСЖ» икки ўйин натижасига кўра «Бавария»ни (6:5), «Арсенал» эса Мадриднинг «Атлетико» клубини (2:1) мағлуб этиб, финалга йўл олган эди.
