«Фулхэм» бош мураббийи Марку Силва фаолиятини Саудия Арабистонида давом эттириши мумкин. Al Nassr Zone нашрининг хабар беришича, португалиялик мутахассис «Ан-Наср» бошқаруви учун асосий номзод сифатида кўрилмоқда.
Аввалроқ мураббий Лиссабоннинг «Бенфика» клубини бошқариши ҳақида хабарлар тарқалган эди, бироқ Ар-Риёд клуби уни ўз сафига қўшиб олишга қатъий бел боғлаган. Эслатиб ўтамиз, «Ан-Наср»нинг аввалги мураббийи Жорже Жезуш жамоа чемпионликни расмийлаштирган сўнгги тур ўйинидан сўнг ўз лавозимини тарк этганини эълон қилганди.
«Фулхэм» эса Англия Премьер-лигасини 11-ўринда якунлади. Силва 2021 йилдан буён лондонликлар устози сифатида фаолият юритиб келаётган эди.
