Италиялик журналист Жанлука Ди Марцио «Милан»нинг «Кальяри»га қарши ўйинидаёқ Массимилиано Аллегри ушбу баҳсга тўлиқ эътибор қаратмаганини тасдиқлади. Унинг сўзларига кўра, ўша пайтда Аллегри аллақачон «Наполи» билан келишувга эришган эди.
«Томонлар ўртасидаги келишув ўйингача бўлганди. Менимча, илк алоқалар ўтган йилнинг баҳорида, Конте илк бор жамоадан кетиши мумкинлигига ишора қилганидаёқ бошланган. Кейин Конте «Скудетто»ни қўлга киритди, Аллегри эса «Милан»га ўтди», — деди Ди Марцио.
Эслатиб ўтамиз, Аллегри «Наполи» бошқарувида Антонио Контенинг ўрнини эгаллайди.
