«Манчестер Юнайтед» бош мураббийи Майкл Каррик янги мавсум олдидан футболчиларни қўйиб юборишни истамаяпти. Инглиз мутахассисининг фикрича, «қизил иблислар»нинг Чампионлар лигасидаги иштирокини ҳисобга олган ҳолда, Мэйсон Маунт ва Нуссаир Мазрауи кейинги мавсумда таркиб кенглигини таъминлаш учун керак бўлади.
The Athletic нашри хабарига кўра, мураббий айниқса инглиз ва марокашлик футболчиларнинг универсаллигини юқори баҳоламоқда, шу сабабли ёзги трансфер ойнасида уларнинг сотилишига розилик бермайди.
Майкл Каррик январь ойида Рубен Аморимнинг ўрнига «Манчестер Юнайтед» бошқарувини қўлга олган эди. Манкунианликлар Премьер-лигани учинчи ўринда якунлашди, шундан сўнг амалдаги бош мураббийнинг шартномаси 2028 йилгача узайтирилди.
