«Бавария» ҳужумчиси Харри Кейн «ПСЖ» ва «Арсенал» ўртасида бўлиб ўтадиган Чемпионлар лигаси финали ҳақида ўз мулоҳазаларини билдирди.

«Бу икки хил ўйин услуби, шунинг учун жуда тенг кучлилар тўқнашуви бўлади, деб ўйлайман. Ҳар иккала жамоада ҳам яхши сифатлар бор ва улар хавфли бўлиши мумкин. «ПСЖ» — амалдаги чемпион, шунинг учун уларни мағлуб этиш қийин, аммо «Арсенал» бу мавсумда Европанинг энг яхши жамоаларидан бири бўла олишини кўрсатди — бу факт. Шу боис финал қизиқарли бўлади. Нима бўлишини кўрамиз. Ким фаворит? Ҳаммаси жуда тенг деб ўйлайман. Ўйин услуби бўйича икки хил жамоа, лекин иккаласи ҳам жуда кучли. Бу шубҳасиз қизиқарли финал бўлади», — деди Кейн.

Ҳужумчининг таъкидлашича, «ПСЖ» амалдаги чемпион сифатида бироз фаворит ҳисобланиши мумкин, аммо умуман олганда, бу икки топ-жамоа ўртасидаги тенг кучли тўқнашув бўлади.

«ПСЖ» ва «Арсенал» ўртасидаги учрашув 30 май куни Будапештда (Венгрия) бўлиб ўтади.