Арне Слот 100 дан ортиқ ўйин ўтказган «Ливерпуль» бош мураббийлари орасида ғалабалар фоизи бўйича учинчи кўрсаткични қайд этди. Мерсисайдликлар икки мавсумдан сўнг нидерландиялик мутахассисни ишдан бўшатишга қарор қилишди.
Слот жамоа бошқарувида жами 113 та ўйин ўтказди ва унинг ғалабали кўрсаткичи 58,41 фоизни ташкил этди. Мураббий биринчи мавсумда 67,86 фоиз ўйинларда зафар қучган бўлса, иккинчи мавсумда бу кўрсаткич 49,12 фоизга тушиб кетди.
«Ливерпуль»даги ғалабалар фоизи бўйича етакчи Юрген Клопп (62,12%) ҳисобланади. Иккинчи ўринда эса Кенни Далглиш (58,53%) бормоқда.













