Лондоннинг «Арсенал» клуби Чемпионлар лигаси финалидаги мағлубиятдан сўнг трансфер бозорида катта юриш қилишни режалаштирмоқда. Бу ҳақда журналист Жейми Дикенсон ўзининг ижтимоий тармоқдаги саҳифасида хабар берди.

Манбанинг маълумотига кўра, «канонирлар» таркибни кучайтириш учун 300 миллион фунт стерлинг (тахминан 345 миллион евро) ажратиш ниятида. Ҳозирданоқ икки футболчи — «Астон Вилла» ярим ҳимоячиси Морган Роджерс ва «Борнмут» ҳужумчиси Эли Крупи трансфери учун 175 миллион фунт (200 миллион евро) ажратилган.

Бундан ташқари, «Арсенал» раҳбарияти ҳимоя ва ярим ҳимоя чизиғини кучайтириш учун яна 125 миллион фунт (145 миллион евро) ажратиши мумкин. Бироқ бунинг учун клуб амалдаги футболчиларини сотиш орқали камида 100 миллион фунт (115 миллион евро) ишлаб олиши керак бўлади.

Эслатиб ўтамиз, 30 май, шанба куни «Арсенал» Чемпионлар лигаси финалида «ПСЖ»га пенальтилар сериясида имкониятни бой берган эди (1:1, 4:3 пен.).