«ПСЖ» қанот ҳужумчиси Хвича Кварацхелия шахсий кўрсаткичларидан кўра жамоавий муваффақиятни устун қўйишини таъкидлади.

30 май, шанба куни Париж клуби Чемпионлар лигаси ғолибига айланди. Финалда «ПСЖ» «Арсенал»ни мағлуб этди (1:1, пенальтилар бўйича 4:3). Асосий вақтда Кварацхелия пенальти ишлади ва ундан ҳужумчи Усмон Дембеле унумли фойдаланди.

«Ҳатто гол урмасам ёки голли узатма бермасам ҳам, энг муҳими — жамоага ёрдам бериш... Бунинг менга фарқи йўқ. Мен доим жамоа учун ўйнайман», — дея Кварацхелиянинг сўзларини келтиради инсайдер Фабрицио Романо ўзининг X ижтимоий тармоғидаги саҳифасида.

Жорий Чемпионлар лигаси мавсумида грузиялик ҳужумчи 16 та ўйинда майдонга тушиб, 10 та гол ва 7 та голли узатма муаллифига айланди.