Яқинда Чемпионлар лигаси финали бўлиб ўтди ва унда «ПСЖ» «Арсенал»ни пенальтилар сериясида мағлуб этди (асосий вақт 1:1 ҳисобида якунланган). Ижтимоий тармоқларда журналистлар билан микст-зонада бўлиб ўтган суҳбат видеолари пайдо бўлди.
Ана шундай видеоларнинг бирида парижликларнинг ҳужумкор ярим ҳимоячиси Хвича Кварацхелиядан рус тилида изоҳ бериш сўралган. Грузиялик футболчи буни рад этган ва суҳбатни инглиз тилида давом эттирган.
Маълумки, Хвича Кварацхелия аввалроқ Россияда иккита жамоа – «Локомотив» ва «Рубин» шарафини ҳимоя қилган.
Эслатиб ўтамиз, «ПСЖ» кетма-кет иккинчи йил Чемпионлар лигаси ғолиби бўлди. Париж жамоасини испаниялик мураббий Луис Энрике бошқармоқда.
