Энтони Гордоннинг трансферидан сўнг «Барселона» вингер Маркус Рэшфордни харид қилиш бўйича музокараларга эътиборини қаратди, бироқ музокаралар оғир кечмоқда.

Каталонияликлар «Манчестер Юнайтед» футболчисини 15 июнга қадар сотиб олиш ҳуқуқига эга, аммо улар келишув шартларини қайта кўриб чиқишга, яъни нархни пасайтиришга ёки янги ижара шартномасига келишиб олишга уринмоқда.

Бундай ёндашув «Олд Траффорд»да норозилик уйғотди. «Қизил иблислар» раҳбарияти музокараларни тўхтатиш ва ўйинчини бошқа клубга сотиш имкониятини кўриб чиқмоқда.

Шундай вазиятда Рэшфордга «Ньюкасл» қизиқиш билдирмоқда. Daily Mirror маълумотларига кўра, «қарғалар» вазиятни диққат билан кузатмоқда ва агар футболчи трансфер бозорига чиқса, унга таклиф беришга тайёр.

Ўтган мавсумда «Ньюкасл» даражасидаги клубларнинг таклифларига қизиқмаган Рэшфорд барча мусобақаларда жами 49 та ўйинда майдонга тушиб, 14 та гол урди ва 14 та голли узатмани амалга оширди.