Килиан Мбаппе Ла Лигада ҳимоядаги ҳаракатлари бўйича мавсумнинг энг ёмон ўйинчиси деб топилди.

«Реал» ҳужумчиси Испания чемпионатида 31 та ўйинда бор-йўғи 6 та ҳимоявий ҳаракатни амалга оширган (90 дақиқалик ўйинга ўртача 0,2 дан кам). Бу кўрсаткич бўйича Мбаппе Ла Лига ўйинчилари орасида охирги, 344-ўринни эгаллади. Винисиус Жуниор эса 336-ўринда қайд этилган (32 очко, 90 дақиқалик ўйинга ўртача 1 та ҳимоявий ҳаракат).

Маълумот учун: FotMob ҳимоявий ҳаракатлар сирасига тўпни олиб қўйиш, тўпни илиб кетиш (перехват), тўпни майдон ташқарисига чиқариб юбориш ва зарбаларни блоклашни киритади.

Якунланган мавсумда Мбаппе 25 та гол билан қаторасига иккинчи марта Ла Лиганинг энг яхши тўпурарига айланди.