«Интер» Марко Палестрани ўз сафига қўшиб олмоқчи.

Жанлука Ди Марцио хабарига кўра, миланликлар клуби 21 ёшли футболчининг трансфери учун «Аталанта»га 40 миллион евро ва яна 5 миллион евро бонус сифатида таклиф қилган. Бергамо клуби эса ўз ўнг қанот ҳимоячисини 50 миллион еврога баҳоламоқда.

Таъкидланишича, «нерадзуррилар» сафида тўп сураётган Дензел Дюмфрис «Реал»нинг эътиборини тортган – айнан шу сабабли «Интер» Палестрани харид қилиш ишларини бошлаган.

Марко 2025/26 йилги мавсумни «Кальяри»да ижара асосида ўтказди. У А Серияда 37 та ўйинда майдонга тушиб, 1 та гол урди ва 4 та голли узатмани амалга оширди.