Австриялик мутахассис Оливер Гласнер Лондоннинг «Кристал Пэлас» клуби бош мураббийи лавозимини расман тарк этди. Бу ҳақда клуб матбуот хизмати хабар берди.
Гласнер «бургутлар»ни 2024 йилнинг февралидан бери бошқариб келаётган эди. Унинг қўл остида жамоа 121 та ўйин ўтказиб, 53 та ғалаба қозонган, 33 марта дуранг ўйнаган ва 35 марта мағлубиятга учраган. Таъкидлаш жоизки, Гласнер «Кристал Пэлас»ни Англия Кубоги ва Суперкубоги ғолиблигига олиб чиқди. Бундан ташқари, клуб Конференциялар лигаси ғолибига айланди. 51 ёшли австриялик мутахассисга қадар «бургутлар» ҳеч қачон йирик совринларни қўлга киритишмаган эди.
Кутилишича, яқин орада Гласнер «Милан»нинг янги бош мураббийига айланади.
