Ёзги трансфер ойнасида «Манчестер Юнайтед»нинг икки нафар ярим ҳимоячиси жамоадан кетади. Бу ҳақда таниқли инсайдер Фабрицио Романо ижтимоий тармоқлар орқали хабар берди. Манбага кўра, манкунианликлар ярим ҳимоячилар Мануэль Угарте ва Каземиро билан хайрлашади.
Аввалроқ матбуотда «қизил иблислар» «Аталанта» ярим ҳимоячиси Эдерсонни ўз сафига қўшиб олишга яқин тургани ҳақида хабар берилган эди.
Англия Премьер-лигасининг ўтган мавсумида «Манчестер Юнайтед» 71 очко жамғариб, турнир жадвалида учинчи ўринни эгаллади. Майкл Каррик шогирдлари навбатдаги мавсум учун УЕФА Чемпионлар лигаси йўлланмасини қўлга киритишди.













