Мадриднинг «Реал» клуби ярим ҳимоячиси Дани Себальос «Аякс»га ўтиши мумкин. Амстердам клуби испаниялик футболчини трансфер қилиш устида фаол ишламоқда – машҳур инсайдер Маттео Мореттонинг хабар беришича, «қаймоқранглилар» билан музокаралар жадал суръатда олдинга силжимоқда.
Потенциал трансфер қиймати тахминан 6 миллион еврога баҳоланмоқда. Дани Себальоснинг «Реал» билан тузган шартномаси бир йилдан сўнг ўз ниҳоясига етади.
Август ойида 30 ёшга тўладиган ярим ҳимоячининг Transfermarkt порталидаги ҳозирги бозор қиймати 8 миллион еврони ташкил этади. Ўтган мавсумда футболчи Мадрид жамоаси сафида 23 та ўйинда майдонга тушган, аммо бирорта ҳам самарали ҳаракат (гол ёки ассист) қайд этмаган.
