«Астон Вилла» ва Аргентина терма жамоаси дарвозабони Эмилиано Мартинес «Ювентус»нинг трансфер мақсадлари қаторида қолмоқда. Инсайдер Николо Скиранинг эксклюзив ҳисоботига кўра, туринликлар аллақачон амалий қадамларга ўтишган – яқинда «кекса синьора» вакиллари дарвозабоннинг агенти билан учрашув ўтказди.

Аргентиналик посбон ёзги трансфер ойнасида «Астон Вилла»ни тарк этишни истамоқда. А Серия гранди учун асосий муаммо сифатида Жаҳон чемпионининг юқори маоши кўрсатилмоқда.

«Transfermarkt» версиясига кўра, Эмилиано Мартинеснинг тахминий қиймати 15 миллион еврони ташкил этади. Ўтган мавсумда 33 ёшли посбон Унаи Эмери бошқарувидаги жамоа сафида барча турнирларда 44 та ўйин ўтказиб, 49 та гол ўтказиб юборди.