«Милан» ҳужумчиси Рафаэл Леау ёзги трансфер ойнасида клубни тарк этишни режалаштирмоқда. Португалиялик футболчи яқинда берган интервьюсида кетиш истаги борлигини маълум қилди. Ҳужумчига иккита турк гранди – «Галатасарой» ва «Фенербахче» қизиқиш билдирган эди.
Инсайдер Жанлука ди Марцио маълумотларига кўра, 26 ёшли футболчининг «Галатасарой»га ўтишини истисно қилиб бўлмайди, аммо «Фенербахче» ушбу пойгадан чиқиб кетди. Шунингдек, Леаунинг Англияга кўчиб ўтиши ҳақида ҳам гап-сўзлар юрган, бироқ Премьер-лига клубларининг футболчини сотиб олишга тайёрлиги ҳақидаги миш-мишлар ҳозирча ўз тасдиғини топмади.
Рафаэлнинг трансфер нархи, Transfermarkt портали экспертлари баҳосига кўра, 50 миллион еврони ташкил этади.
