Сербиялик ҳужумчи Душан Влаховичнинг келажаги борасидаги ноаниқликлар ниҳоясига етмоқда. Яқин соатлар ичида футболчи «Ювентус» раҳбарияти билан ҳал қилувчи учрашувни ўтказади, унда томонлар шартномани узайтириш ёки узайтирмаслик масаласида охирги қарорга келишади.
Sport.es хабарига кўра, футболчининг эркин агент сифатида жамоадан кетиши энг эҳтимолий сценарий бўлиб қолмоқда.
Влаховичнинг асосий мақсади — «Барселона»га ўтиш. Маълум қилинишича, ҳужумчи аллақачон ўз хизматларини каталонияликларга таклиф қилган ва жамоадаги деярли ҳар қандай ролга рози бўлишга тайёр.
Шунга қарамай, «Барселона» раҳбарияти ва бош мураббий Ханс-Дитер Флик Хулиан Альварес, Маркус Рэшфорд ва Харри Кейн каби номзодлар бўйича музокараларда аниқлик юзага келмагунча, сербиялик ҳужумчини трансфер мақсади сифатида кўриб чиқмоқчи эмас.
