ПСВ ярим ҳимоячиси Исмаэль Сайбари «Бавария»га ўтишга яқин турибди. Бу ҳақда журналист Санти Ауна хабар бермоқда.

Клублар музокараларнинг якуний босқичида бўлиб турибди. Таъкидланишича, футболчи «Бавария» билан шахсий шартнома шартлари бўйича аллақачон келишувга эришган. Шартнома 2031 йилнинг июнига қадар мўлжалланган.

Шунингдек, манбанинг қайд этишича, футболчининг тиббий кўрикдан ўтиши АҚШда режалаштирилган. У айни пайтда Марокаш терма жамоаси сафида жаҳон чемпионати учун ушбу мамлакатда бўлиб туради.

Ўтган мавсумда ҳужумкор ярим ҳимоячи барча турнирларда 37 та ўйинда майдонга тушиб, 19 та гол урди ва шерикларига 9 та голли узатмани амалга оширди.