18 ёшли Буба Сангаре доимий асосда «Рома»дан «Эльче»га ўтди.
Испания клуби ижара муддати тугаганидан сўнг ҳимоячини сотиб олиш опциясини фаоллаштирди. Сангаре клуб билан 2031 йилнинг июнь ойигача мўлжалланган шартнома имзолади.
Marca маълумотларига кўра, римликлар ушбу трансфердан 4,5 миллион евро ишлаб олади ва ўйинчининг келажакдаги трансфер қийматидан 20 фоиз улушга эга бўлади.
Эслатиб ўтамиз, Сангаре жорий йилнинг қишида «Рома»дан «Эльче»га ижара асосида ўтган эди. Мавсумнинг иккинчи ярмида ҳимоячи клуб сафида 12 та ўйинда майдонга тушди.
