«Реал» президенти Флорентино Перес «Комо» ярим ҳимоячиси Нико Паснинг ўйини унга маъқул келаётганини таъкидлади.

«Нико Пас — бизнинг ёшлар академиясидан етишиб чиққан ва ҳозирда Европанинг катта клублари эътиборини тортаётган келажаги буюк ўйинчилардан бири. У Италияда «Комо» сафида фантастик мавсумни ўтказди. Биз (уни сотиб олиш бўйича) қарорни мураббий ва мураббийлар штаби билан биргаликда қабул қиламиз», — дея Переснинг сўзларини келтиради Diario AS.

2025/26 йилги мавсумда «Реал» тарбияланувчиси бўлган 21 ёшли аргентиналик футболчи барча турнирларда 40 та ўйинда майдонга тушиб, 13 та гол урди ва 8 та голли узатмани амалга оширди.