«Реал» президенти Флорентино Перес президентлик сайловларида ғалаба қозонган тақдирда, таркибни кучайтиришга ва «Ливерпуль»дан Ибраима Конатедан ташқари яна бир топ-ҳимоячини жамоага олиб келишга ваъда берди.
«Мен Конатедан ташқари яна бир топ-ҳимоячини сотиб оламан. Янги трансферларми? Сиз мени яхши биласиз. Мен энг яхшиларни сотиб оламан. Энг яхшилар «Реал»да ўйнайди. Бизда жуда кучли жамоа бўлади. Мен ҳар бир позицияни кучайтираман. Янги ўйинчиларни олиб келаман. Бизда жуда кучли жамоа бўлишига ваъда бераман», — дея Переснинг сўзларини келтиради Diario AS.
«Реал»да президентлик сайловлари якшанба куни, 7 июнь куни бўлиб ўтади.
2025/26 йилги мавсумда «Реал» 86 очко жамғариб, Испания чемпионатида иккинчи ўринни эгаллади. Турнир ғолиби эса 94 очко билан «Барселона» бўлди.
