«Real» prezidenti Florentino Peres prezidentlik saylovlarida g‘alaba qozongan taqdirda, tarkibni kuchaytirishga va «Liverpul»dan Ibraima Konatedan tashqari yana bir top-himoyachini jamoaga olib kelishga va’da berdi.
«Men Konatedan tashqari yana bir top-himoyachini sotib olaman. Yangi transferlarmi? Siz meni yaxshi bilasiz. Men eng yaxshilarni sotib olaman. Eng yaxshilar «Real»da o‘ynaydi. Bizda juda kuchli jamoa bo‘ladi. Men har bir pozisiyani kuchaytiraman. Yangi o‘yinchilarni olib kelaman. Bizda juda kuchli jamoa bo‘lishiga va’da beraman», — deya Peresning so‘zlarini keltiradi Diario AS.
«Real»da prezidentlik saylovlari yakshanba kuni, 7 iyun kuni bo‘lib o‘tadi.
2025/26 yilgi mavsumda «Real» 86 ochko jamg‘arib, Ispaniya chempionatida ikkinchi o‘rinni egalladi. Turnir g‘olibi esa 94 ochko bilan «Barselona» bo‘ldi.
