«Реал» президентлигига номзод Энрике Рикельме жума куни сайловда ғалаба қозонган тақдирда жамоага бош мураббий бўладиган мутахассиснинг исмини эълон қилишини маълум қилди.
«Биз мураббийимизни жума ёки шанба куни эълон қиламиз. У катта юлдуз ва «Реал»нинг ҳар бир мухлиси кўришни истаган мураббийдир», — дея Рикельменинг сўзларини келтиради MadridZone.
ESPN маълумотларига кўра, испаниялик бизнесмен германиялик мутахассис Юрген Клоппнинг вакиллари билан аллақачон икки марта учрашган. У немис мураббийини «Реал»ни бошқаришга кўндириш ниятида.
«Реал»да президентлик сайловлари якшанба куни, 7 июнь куни бўлиб ўтади.
2025/26 йилги мавсумда «Реал» 86 очко жамғариб, Испания чемпионатида иккинчи ўринни эгаллади. Турнир ғолиби эса 94 очко билан «Барселона» бўлди.
