Бундеслигада Франкфуртнинг «Айнтрахт» жамоасида тўп сураётган германиялик ҳимоячи Натаниэль Браун иккита Европа топ-клуби нишонида турибди. «The Athletic» журналистлари хабар беришича, 22 ёшли футболчини ўз сафига қўшиб олишни Лондоннинг «Арсенал» ва Мюнхеннинг «Бавария» клублари истамоқда.
Германия терма жамоаси аъзосининг трансфер қиймати ҳозирда 40 миллион еврони ташкил этади. Натаниэль амалдаги клуби билан 2030 йилнинг ўрталарига қадар шартнома имзолаган. Ўтган мавсумда Браун «Айнтрахт» сафида 42 та ўйинда иштирок этди. Ҳимоячи ўз ҳисобига тўртта гол ва олтита голли узатмани ёздириб қўйди.
