«Борнмут» вингери Жастин Клюйверт ёзги трансферлар вақтида фаолиятини бошқа клубда давом эттириши мумкин. «Fichajes» нашри хабарига кўра, Нидерландия терма жамоаси афсонасининг ўғлини ўз сафига қўшиб олишга Лондоннинг «Челси» клуби қизиқиш билдирмоқда. «Кўклар» яқин ҳафталар ичида футболчининг трансфери бўйича таклиф тайёрламоқда.

Жастин Клюйверт 2023 йилда «Рома»дан 10 миллион евро эвазига «Борнмут»га ўтган эди. Унинг «олчалар» («Борнмут») билан тузган шартномаси 2028 йилнинг 30 июнига қадар мўлжалланган. 2025/26 йилги мавсумда нидерландиялик футболчи клуб миқёсида барча мусобақаларда 21 та ўйин ўтказиб, 2 та гол урган. «Transfermarkt» портали Клюйвертнинг нархини 25 миллион еврога баҳоламоқда.