«Bornmut» vingeri Jastin Klyuyvert yozgi transferlar vaqtida faoliyatini boshqa klubda davom ettirishi mumkin. «Fichajes» nashri xabariga ko‘ra, Niderlandiya terma jamoasi afsonasining o‘g‘lini o‘z safiga qo‘shib olishga Londonning «Chelsi» klubi qiziqish bildirmoqda. «Ko‘klar» yaqin haftalar ichida futbolchining transferi bo‘yicha taklif tayyorlamoqda.

Jastin Klyuyvert 2023 yilda «Roma»dan 10 million yevro evaziga «Bornmut»ga o‘tgan edi. Uning «olchalar» («Bornmut») bilan tuzgan shartnomasi 2028 yilning 30 iyuniga qadar mo‘ljallangan. 2025/26 yilgi mavsumda niderlandiyalik futbolchi klub miqyosida barcha musobaqalarda 21 ta o‘yin o‘tkazib, 2 ta gol urgan. «Transfermarkt» portali Klyuyvertning narxini 25 million yevroga baholamoqda.