«Ливерпуль» сардори Виргил ван Дейк жамоа бош мураббийи Арне Слотнинг истеъфоси ҳақида ўз фикрларини билдирди. Нидерландиялик мутахассис «қизиллар» учун муваффақиятсиз якунланган мавсумдан кўп ўтмай ишдан бўшатилган эди.
«Слот ҳақидаги хабарни кўрганимда ҳайратда қолдим. У «Ливерпуль» учун қилган ишларидан миннатдорман. Умид қиламанки, омадсиз мавсумдан сўнг биз ҳаммасини ўнглай оламиз. Шанба куни тушдан кейин самолётдан тушганимда, бу хабар тарқалиб бўлганини кўрдим. Ўзим бу ҳақда ҳеч нарса билмасдим. Кўринишидан, қарор ўша куни эрталаб қабул қилинган. Биз журналистлар ҳамма нарсани биринчи бўлиб хабар қилишни истайдиган дунёда яшаяпмиз. Одамлар бундан фойда олишни хоҳлайди», — дея ван Дейкнинг сўзларини келтиради «The Touchline».
Эслатиб ўтамиз, Арне Слот «Ливерпуль»да 2024 йилнинг ёзидан буён фаолият юритаётган эди.
