«Барселона» вингери Руни Барджи фаолиятини Англия Премьер-лигасида давом эттириши мумкин. 20 ёшли футболчи якунланган мавсумда майдонда тез-тез кўриниш бермади ва эндиликда «кўк-анорранглилар» уни ижарага бериб юборишга тайёр.
TEAMtalk нашри берган маълумотларга кўра, ёш швециялик футболчига «Лидс» клуби қизиқиш билдирмоқда. Ҳозирча ушбу вариант футболчининг ўзини қай даражада қониқтириши номаълум.
Барджи Ханс-Дитер Флик жамоаси сафида 28 та ўйинда майдонга тушиб, ўз ҳисобига 2 та гол ва 4 та голли узатмани ёздириб қўйган. Рунининг Каталония гранди билан амалдаги шартномаси 2029 йилгача мўлжалланган.
«Лидс» Англия чемпионатининг ўтган мавсумини 14-ўринда якунлаган эди.
