«Ливерпуль» клуби ва Германия терма жамоасининг ҳужумкор ярим ҳимоячиси Флориан Вирц Лондоннинг «Челси» клубига ўтмайди. Бу ҳақда инсайдер Фабрицио Романо ўзининг ижтимоий тармоқлардаги саҳифалари орқали хабар берди.

Манбага маълум бўлишича, «аристократлар» раҳбарияти германиялик вингерни сотиб олиш вариантини кўриб чиқмаяпти. Вирц ўзига катта ишонч билдирилаётган «Ливерпуль» жамоасида қолади.

Англия Премьер-лигасининг якунланган мавсумида Флориан мерсисайдликлар сафида 33 та учрашувда майдонга тушди. 23 ёшли немис футболчиси ўз ҳисобига 5 та гол ва 3 та голли узатмани ёздириб қўйди. Айни пайтда ўйинчининг трансфер баҳоси 100 миллион еврога баҳоланмоқда.