«Шарлотт» клуби «Ланс» ҳужумчиси Аллан Сен-Максимен билан шартнома шартларини келишиб олди, дея хабар бермоқда L’Equipe.

Пайшанба куни, 4 июнь куни Франция клуби 29 ёшли франциялик футболчининг эркин агент сифатида жамоани тарк этганини эълон қилган эди.

Аллан Сен-Максимен фаолияти давомида «Ньюкасл Юнайтед», «Сент-Этьен», «Ганновер», «Бастия», «Ницца», «Ал-Аҳли», «Фенербахче» ва «Америка» каби клубларда ҳам тўп сурган.

Эслатиб ўтамиз, Сен-Максимен қишки трансфер ойнасида Мексиканинг «Америка» клуби билан шартномани бекор қилиб, «Ланс» сафига кўчиб ўтган эди. У Франция жамоаси таркибида 13 та учрашувда майдонга тушиб, 4 та гол урди ва 3 та голли узатмани амалга оширди.