«Реал» президенти Флорентино Перес «Манчестер Сити» ярим ҳимоячиси Родри борасида якуний қарорни қабул қилди.
Машҳур журналист Маттео Мореттонинг сўзларига кўра, Мадрид клуби раҳбари Родрини таркибга қўшиб олишни истамаяпти.
«Менга маълум қилишларича, клублар — «Реал» ва «Манчестер Сити» ўртасида тўғридан-тўғри мулоқот бўлган ва «Сити» «Реал»нинг Родрини сотиб олмаслигидан хабардор. Менга Флорентино Перес Родрини таклиф қилишни хоҳламаётганини айтишди ва айни дамда бу мавзу бошқа ривожланмайдигандек кўринмоқда», — деди Моретто «La Pizarra de Quintana» кўрсатувида.
22 июнь куни Родри 30 ёшга тўлади. Нуфузли Transfermarkt портали 2024 йилги «Олтин тўп» соҳибини 50 миллион еврога баҳоламоқда. Родрининг «Манчестер Сити» билан шартномаси яна бир мавсумга мўлжалланган.
