Лондоннинг «Челси» клуби Ла Лига грандлари қизиқиш билдираётган латераль Марк Кукурельяга ўринбосар изламоқда. Манбанинг хабарига кўра, «аристократлар» испаниялик футболчининг ўрнини босиши мумкин бўлган бир нечта потенциал номзодларни танлаб олишган.

Лондон клубининг шорт-листидан қуйидаги футболчилар жой олган: Андреа Камбьясо («Ювентус»), Натаниэль Браун («Айнтрахт») ва Алехандро Гримальдо («Байер»).

Эслатиб ўтамиз, яқиндагина инглиз клуби бош мураббийлигига испаниялик мутахассис Хаби Алонсо тайинланган эди. АПЛнинг якунланган мавсумида «Челси» 52 очко жамғариб, турнир жадвалида ўнинчи ўринни эгаллади.