«Ньюкасл» ҳимоячиси Льюис Холл фаолиятини «Манчестер Юнайтед»да давом эттириши мумкин. Бу ҳақда TEAMtalk нашри хабар бермоқда.
Манбанинг берган маълумотларига кўра, 21 ёшли Холл «Манчестер Юнайтед»нинг чап қанот ҳимояси учун асосий трансфер мақсади бўлиб турибди. «Ньюкасл» ўз футболчиси учун тахминан 81-93 миллион евро атрофида маблағ талаб қилиши кутилмоқда. Қайд этилишича, «қизил иблислар» ушбу позиция учун, шунингдек, «Айнтрахт» аъзоси Натаниэль Браун ва «Барселона» ҳимоячиси Алехандро Бальденинг ҳаракатларини ҳам диққат билан кузатиб боришмоқда.
2025/2026 йилги мавсумда Льюис Холл барча турнирларни инобатга олган ҳолда 47 та учрашувда майдонга тушиб, ўз ҳисобига 1 та гол ва 2 та голли узатмани ёздириб қўйди. Футболчининг «қарғалар» билан амалдаги меҳнат шартномаси 2029 йилнинг ўрталарига қадар мўлжалланган.
