«Ливерпуль» ҳужумчиси Коди Гакпо Лондоннинг «Тоттенхэм» клубига ўтиши мумкин. Бу ҳақда SoccerNews.nl нашри хабар бермоқда.

Манбанинг маълумотларига кўра, нидерландиялик футболчининг хизматларига «шпорлар» бош мураббийи Роберто Де Дзербининг шахсан ўзи қизиқиш билдирмоқда. Миш-мишларга ишонадиган бўлсак, футболчининг ўзи ҳам «Ливерпуль»ни тарк этишга тайёр, чунки унинг яқинда клубдан бўшатилган Арне Слот билан алоҳида яқин муносабатлари бўлган.

Таъкидланишича, Де Дзерби анчадан бери 27 ёшли Гакпонинг ўйинига қойил қолиб келади ва айни пайтда «Ливерпуль» ҳамда футболчининг ўзини ушбу трансферга кўндириш учун стратегия устида ишламоқда.

Маълумот учун: 2025/26 йилги мавсумда Гакпо барча турнирларда жами 52 та учрашувда майдонга тушиб, рақиблар дарвозасини 9 бор ишғол қилди ва 6 та голли узатмани амалга оширди.